¿Les prieses de Montoro yeren una falcatrúa política?

Manifesté nel so día que la esixencia de qu'Asturies presentase llueu un plan de financiación fecha al altu la lleva pol ministru Facienda, el señor Montoro, asina como les esixencies de plazos incumplibles nun yeren más qu'una falcatrúa política p'ayudar al PP (vía Mercedes Fernández) a romper con Foro pal gobiernu desurdíu del parlamentu escoyíu'l 26 de marzu. La forma escandalosa de sopelexalo facíalo evidente.


Agora faise más evidente que, en principiu, la cantidá que Foro proponía recortar yera aprosimada o un pelín mayor que la que propón agora'l gobiernu socialista de Javier Fernández. Si ye asina, y anque tenga que modificase dempués un migayín al alza, ¿nun ye ñidio que l'escandalosu pregón y l'actitú de Montoro y el PP de Rajoy nun yeren otra qu'una cibiella pa Foro y una gabita pa Mercedes Fernández?

¡A que va ser que sí!

¿Fai eso meyor a Foro y el gobiernu de Cascos? Non, pero pon embaxo la llume afayaíza'l comportamientu'l PP nesta cuestión.

1 comentario:

Carlos X. dijo...

D´alcuerdu. Y pa encima, esi cibiellazu fue en forma humillante p´Asturies, como ente autónomu. La reación paraxismera de dalgún blog "nacional-asturianista" tamién ye deprimente. Namás qu´escribiendo pal guetu, pa los amiguinos. ¿Qué esperaben? Si Asturies namás que ye instrumentu y sucursal...