Enseñanza: ¿Cómo vamos a cambiar lo que tenemos?

Yá se sabe qu'España ye'l primer país d'Europa en términos de fracasu escolar, y de mala inserción llaboral de los mozos, según la Unesco (estudio anual «Educación para Todos"» (EPT).
Ún de cada tres mozos españoles d'ente 15 y 24 años dexaron los sos estudios enantes d'acabar la enseñanza secundaria, frente a la media europea (ún de cada cincu). Pa los responsables del informe, les cifres d'abandonu escolar en España son «esmolecedores», teniendo en cuenta, además, que'l paru xuvenil superó'l 50% en marzu d'esti añu (tamién nesto tamos casi los primeros).
Asina qu'entiéndese perfechamente que tol mundu se resista a camudar nada na enseñanza, porque, diéndonos tan bien como nos va, siendo los campeones d'España y casi del mundu, ¿pa qué tocar les coses? Si acasu, antainar pel mesmu camín, a ver si llegamos a ser los primeros del mundu, pero dafechu.