Montoro

El que tamién ye perreru ye Montoro. Aparte les perreríes que nos faga a unos y a otros ye home de los d'andar como per casa. Si non, miren lo que-y diz a Jesús Iglesias cuando-y planteó nel Senáu la cuestión del impuestu de PSOE, IU y UpyD a los que tengan perres en bancu (Montoro en bata y zapatilles). ¿Venlo bien? "Pues no faltaba más que eso", dixo a la vista la propuesta de don Jesús de compensar a Asturies pola eliminación del impuestu.

"Pues no faltaba más que eso", ¿ustedes creen que son formes de falar, nun Parlamentu y por un ministru? Solo-y faltaba añadir "chavalín": "Pues no faltaba más que eso, chavalín". Polo menos, n'asturianu tendría más gracia y sería menos d'andar en chancleta: "¡Yá t'oyí, navaya!"

En fin, ye lo qu'hai.