La mentira de Pelayo y Covadonga: fue'l tiempu

0 comentarios
Pamidea tienen razón los últimos estudios: Ye mentira, los moros nun marcharen d'equí dempués de la derrota de Cuadonga a manes (y morrillazos) de Pelayo y los suyos. Marcharen fartucos del clima, de pasar veranu tres veranu como esti, fartos d'agua y fríu.

-Ehí quedáis, vós, y el verde d'Asturies. Y l'agua tamién. ¡Too pa vós! Vamos buscar el sol y el calor.

¿Verdá? ¿Falso? Podíamos pregunta-y a un climatólogu, por ver si sabe cómo fueren aquellos veranos. ¿Por qué non? A fin de cuentes, tamién un destacaú cabezalero del PCA (dempués IU), al que nun-y prestaba lo de declarar el día de Cuadonga Día d'Asturies, propuso que-y entrugásemos a ún historiador cuálu fuera'l día de la batalla de Cuadonga.


Güei, en LNE: Barruntos de amor

0 comentarios
Barruntos de amor: lo que denota la constitución de la Mesa de la Xunta: amores ente PSOE e IU, desamores ente PSOE y Podemos, amores (obligaos) ente PP y Ciudadanos, pronósticos (cumplidos) sobre Ciudadanos.

Basures y educación

0 comentarios

                            
(Asoleyóse en La Nueva España de ayer, 24/06/2019)

                            L’APRECEDERU      
         
                            BASURES Y EDUCACIÓN


               Cuando s’acerquen el veranu y les vacaciones, una recatafila d’asociaciones de toa triba, asina como tropielles d’escolares, acérquense a playes, ríos y praos p’atropar les basures. La mayoría de la basoria que se recueye son plásticos, pero hai de too.
               Hai llugares onde la singularidá de los oxetos recoyíos fai d’ellos un vertederu peculiar. Per exemplu, nel puertu deportivu de Xixón suelen somorguiase tolos años un grupu de buzos de Cruz Roxa y de la Federación Subacuática, pues bien, aparte tonelaes de basoria, salen d’ehí coses como váteres, pieces de coches y llavadores... Ún entiende (esto ye, nun defende, critica pero entiende) que los munchos bebedores de la zona —o los usuarios de motores y veleros— tiren al agua botelles y plásticos. ¿Pero quién carreta un váter o una pieza una llavadora pa tiralos en puertu? ¿Llévenlos al costín?
               Más allá d’eso, faese ún dalgunes reflexones. ¿Esa xente de venti o trenta años que llanza al agua plásticos y botelles envede devolveles al chigre o poneles en contenedor nun tuvieron durante la escuela y l’institutu miles de charles sobre ecoloxía y meyuambiente? ¿Nun visitaren toos Coxersa pa concienciase?
               ¿Tantos escolinos como salen añalmente a llimpiar el mediu nun son los mesmos, o de los mesmos centros, que dexen perdíu de desperdicios del almuerzu’l patiu durante’l recréu? ¿Toos esos rapazonos qu’empuerquen los praos de les fiestes o los recintos universitarios colos cristales y los plásticos del botellón nun son los qu’enllenaron les aules de murales pa concienciar y salieren en manifestación pol meyuambiente?
               Por eso, cuando siento afirmar a los buenrollistes nefelibáticos qu’eses coses son un problema d’educación, lo mismo que pa otros conflictos dicen que nun hai que sancionar, sinón educar (o dialogar), siempre m’entrugo: ¿en qué mundu viven?
               Toi seguru que cuando Caín mató a Abel yá había un buenrollista que dixera: “Eso nun se soluciona con castigos, lo que fai falta ye educar”.

Chapuces TVE

0 comentarios

Programa 24 hores. Franxa publicitaria de "a continuación": CINCO AÑOS DE DOS FELIPE VI. Y asina, ensin vagar. ¿Chapuza o mala enguina? Conociendo'l ganáu, cualquier cosa.

Veranu asturianu

0 comentarios
Yá lu sabréis, pero ye perbonu:

"-Mira si ye bonu'l veranu n'Asturies qu'hasta l'iviernu vien pasalu nél".

Güei en LNE (L'aprecederu):

0 comentarios
"Porfines y todavías": Obres n'Asturies: a la tema cola fama de les d'El Escorial de ser eternes".

En xinta de xeremandía

0 comentarios
Xente del PAS, el sábau, 16/06/19




Constitución corporación de Bimenes y equipu Gobiernu

0 comentarios
Ayer, 15/06/19, a les doce la mañana.

Corporación y secretaria. L'alcalde, Aitor García Corte. Los seis conceyales d'Asturianistes, familiares, amigos y xente del PAS, dempués de la toma posesión y la elección del alcalde.





Güei, en LNE: La misma mar, distinta tripulación.

0 comentarios
Güei, en LNE: La misma mar, distinta tripulación.

Sobre lo que se pue esperar del nuevu gobiernu de Xixón, lo que podrá facer y lo que non, y lo más importante: lo que pue facer contra'l paru.

Más d'analfabetismu peridísticu: El "You de los cabrones"

0 comentarios
TPA, locutora, imaxen de la ñeve. "Nevó nel You de los Cabrones" Nin "H.ou" nin "Jou": "You". ¿Qué significa la "A"?